Xhahid BUSHATI

Ilustrimi: Eris BUSHATI

Ec mes pellgjeve si “trim”...

Ku të shkoj e nga t’ia mbaj...,

Pellg këndej e pellg andej...,

Porsi sy e porsi ishuj

Ngjajnë ca pellgje pak përtej...

Bëj të ec e nuk ec dot,

Bëj e bëj të hedh një hap...,

Ndiej një zë si në të qarë,

Thotë këpuca: “Mos më lag!”

Bëj të ec... e hedh një hap,

Të mos ndotem, ec me frikë,

Një fëmijë, vrapon si era,

Këmbën zgjat... e më stërpik...

Edhe ikën duke qeshur,

I gajasë ca kalimtarë,

Shpikin fjalë e bisedojnë

Për vogëlushin “fitimtar”...

Çfarë të bëj? Qesh edhe unë...

Nuk duroj, e marr guxim,

Ec mes pellgjesh “fitimtar”

Ec mes pellgjeve si “trim”...